Paalam kaibigan

saan ka man pumunta, sana'y marinig mo to

awitin na laman ng aking puso'y alay ko sayo

hanggang sa paghatid namin sayong huling hantungan

buhay na wala sa amin, nawalan nang katarungan

at ang daming katanungan di ako mahihiya,

na sabihan bilang kaibigan ay mahal kita

ang daming oras na pinagdaanan, ang lahat nasayang

maganda nating pinagsamahan di kayang bayaran

at saan ka man ngayon saludo ang aking pabaon,

mga memorya nating magkasama'y di pwedeng itapon

kukunin kitang kumpare kahit di na magbalik

kung pwedeng ibalik ang mga araw dun ako sabik

gusto ko mang humiyaw sa iyong pagkawala

isang matalik na kaibigan di na sakin naiba,

turing ko sayo ay kasangga, parang kapatid

sisigaw ko ay patawad kahit hanggang mapatid

ang litid ng aking hininga

hanggang maubos aking boses

kung patalikod inaasar kita ng ilang beses

tandaan mo kahit kailan di ka namin malilimot

ang pagkawala mo para sa'min ay masalimuot

at dama ang kalungkutan na pasan ng yong magulang

sa pagkakaibigan nati'y tanong ko kung nagkulang

at kung ibabalik ang mga araw na lumipas

pipiliin ko na makasama ka ng ilang oras

para masabi ko sayo ang gusto kong sabihin

huli na nga kayang sumulat ng isang awitin

ikot ng aming mundo'y tuluyan nang nagbago

lungkot ng pagkatao kahit pilit na itago

sa bawat araw na nagdaan, na hindi natin naiisip

buhay ay pwedeng mawala nang kahit lang sa panaginip

ihip ng hangin ay sumisikip, lalong umiinit

pinagsamahan nati'y kusa na walang pumilit

tagay ko sayo'y taas ang basong ibibigay

isang pagsubog para sa amin nang ikay mawalay

at sana ay maalala mo ang kaysaya na araw

alam ko na magkikita tayo muli balang araw