Sa bawat bahagi ng watawat na hinabi

Tayo ay pilipino sa isip at sa gawa

ngunit bakit may mga pinuno,puro lamang salita?

isang gobyerno na kayang sikmurahin at magtawanan

may pamilyang kumakain na kulang sa dalawang

beses sa isang araw, minsan wala ngang panlugaw.

Bakit ganito kababaw? isang pagkaing nilalangaw

ang dadamputin at kakainin ng batang gutom

alam ba ng husgado at lahat ng hukom

na meron mas masahol pa sa hatol ng kamatayan

yan ay ika'y maghirap sa sarili mong bayan

mga bata na ang dapat na ginagawa ay maglaro

bagkus ay agos ng pawis at magbanat ng buto

upang kumita ng ilang piraso na pisong madungis

kalyo sa kamay at paa na manhid at madungis

hindi manika ang hawak ng kanyang mumunting braso

bagkus isang taong gulang na kapatid at may baso sa harapan

na nagbabakasakaling lagyan ng baryang pambili ng tinapay na panlaman sa tiyan

mga pinunong bago mamatay at magkasakit sa sarap ng buhay

sa akin kayo ay makinig

mga bakal na dumudura ng apoy at tingga

tangan- tangan at balot ng kasuotang pandigma

bakit di mapagtugma ang mayaman at dukha

sa pananaw ang kapalit ay hapis at pagluluksa

sa pareparehong sundalo, muslim man o kristyano

ilan man ang masawi di mo alam kung sino ang panalo

walang panalo, dahil sa huli tayo pa rin ang talo

pinoy ang nasa loob ng ataul na sinarado

yan ba talaga ang sumpa dito sa lupang pinangako

respeto't, pagmamahal ay pilit tinatago

lawing hindimakadapo, may pakpak na limitado

at nakakulong sa seldang nakakandado

kailan kaya matatapos ang pagagos ng dugo

at ang kapayapaan ay mahahawakan ng buong buo

yan ba ang kwento o tanong na pilit humahawi

sa bawat bahagi ng watawat na hinabi.